Fréier een Luxusliner, haut een Hotelschëff: D'Queen Mary léit am Hafen vun Long Beach an Kalifornien net wäit vun Los Angeles. GlobeTrotter.lu hëlt iech op eng Zäitrees mat an erkläert iech wisou sech eng Iwwernuechtung op dësem Traditiounsschëff lount.

Eis Visitt fänkt am Bug vun der 'Queen Mary' unn, an zwar an der 'Observation Bar'. D'Bar ass een Dram. Se ass dekoréiert aus méifaarwegem Mahagoni-Holz mat Schmockelementer an deck Liedersfotellen. De Glänner ass aus sëlweren Art-Deko-Päerd beschmückt. De Bléck fält eraus op d'Liichter vu Long Beach, den Hafe vu Los Angeles. Am Heck vum ale Passagéierschëff, um Sportsdeck, ass de Restaurant 'Sir Winston'. Dësen ass am englesche Kolonialstil dekoréiert an zerwéiert excellent amerikanesch Steak's.

D'Queen Mary ass haut een Hotel, ee wou d'Visiteuren sech wéi op enger Zäitrees villen. Well d'Schëff ass eng Dauerausstellung, déi viru puer Joer renovéiert ginn ass. Zu de kierzlech restauréierten Deeler gehéieren déi 3 riseg Kamäiner um Sonnendeck an d'Dampmaschinnen am Schëffsbauch, d'Bréck mat den d'Steierrieder aus Messeng an de 'Travel Room' um Haaptdeck, wou Passagéier fréier d'Landausflich buche konnten.

Och déi original Offizéier an Éischtklass-Kabinne sinn hannert Glas ausgestallt, souwéi Stackbetter op den ënneschten Decks. An um Heck steet nach d'Kanoun, déi d'Schëff sécher duerch den Zweete Weltkrich bruecht huet, wou d'Zaldoten transportéiert goufen. Se war de Stolz vun der britescher 'Cunard Line' déi och d'Luxusdamper 'Lusitania' a 'Queen Elizabeth' (liest eisen Artikel: "Ex-Kreuzfahrtscheff Queen Elizabeth 2 ass elo een Hotel") gehéiert hunn. D'Schëff 'Queen Mary' war méi grouss wéi d'Titanic' an wichteg a Bekannte Léit si mat hier gefuer: De King George an d'Queen Elizabeth souwéi e.a. d'Greta Garbo an de Charlie Chaplin.

No senger Ausmusterung am Joer 1967 gouf d'Schëff 'Queen Mary' un d'Stadverwaltung vu Long Beach verkaf. Se ass do niewent dem russeschen U-Boot 'Scorpion' an niewent enger wäisser Koppel ugedockt ginn an där den exzentresche Milliardär Howard Hughes fréier seng 'Spruce Goose' ofgestallt huet, den éischten an eenzegen Holzfliger vun der Welt.

Déi beschte Méiglechkeet fir d'Geschicht vum Schëff ze erliewen ass an enger vun den 9 Suitten oder den 314 sougenannte 'State Rooms', Kabinnen also déi haut als Hotelszëmmer déngen, ze schlofen. Se sinn all renovéiert ginn a mat Flaachbildfernseh an iPod-Dockingstation equipéiert. D'Miwwele sinn dem Original aus den Drëssegerjoren nogebaut. Renovéiert an ënnerhal ass d'Schëff iwwerhaapt, wéi zum Beispill de 'Promenade Café', den néienglesche 'Chelsea Chowder House & Bar' de 'Windsor Salon', de 'Queen's Salon' an de 'Grand Salon'. Um Sonnde gëtt et ee Schampes-Brunch (och fir Nëtt-Hotelgäscht) an an der Hochzäits-Kapell ginn haut ëm déi 150 Hochzäite pro Joer geféiert. Déi meeschte Gäscht vum Hotel sinn Amerikaner an déi meeschten auslännesch Touriste kommen aus Europa.

Mee et bleift awer nach um Schëff ze dinn: D'Schwämm, déif sech am Bauch vum Schëff befënnt, souwéi de Wellness Beräich an d'Bibliothéik mussen néi renovéiert ginn. Dës Deeler vum Schëff sinn de Moment nëmmen am Kader vun enger sougenannter Geeschter-Tour ze besichen, déi direkt op der Platz gebucht ka ginn. De Moment ginn dann och déi 22 Rettungsbooter renovéiert. D'Queen Mary léit och liicht ausserhalb vun den Touristenzieler: Vun 'Disneyland', Hollywood oder Downtown L.A. brauch een deemno Trafik bis 2 Stonne Faart. Zwar gëtt et eng Metro bis op Long Beach a vun do aus een Bus, mee méi schnell ass dat och net. Dofir allerdéngs ass d'Präisleeschtungsverhältnis vun enger 'Queen Mary'-Iwernuechtung fantastesch. Ab 100 Dollar pro Nuecht kann een hei an enger Duebelzëmmer iwwernuechten.

Méi Informatiounen hei: www.queenmary.com

Renovéiert, moderniséiert, op Héichglanz poléiert an trotzdeem den ursprénglechen Design vun den Original-Kabinne bäibehalen: Nostalgiker a Kreuzfahrt-Fans hunn sech sech op d'Erëffnung vun der "Queen Elizabeth 2" als Hotelschëff gefreet. Wien sech op dem 13-Etagen Hotel  ëmkucke wëll, muss awer als éischt mol op Dubai reesen.

Dat deemolegt Kreuzfahrtschëff léit säit 2008 am 'Port Rashid' zu Dubai an de Vereenegt Emiraten an ab dem 18. Abrëll 2018 hunn déi éischt Restauranten an Zëmmer fir d'Gäscht erëm opgemaach. D' "Queen Elizabeth 2" - zu senge beschten Zäiten huet d'Weltmierer bereest, bis zu 19.000 Mënsche vergnügte sëch drop an eleng säin Numm straalt nach haut  Glanz aus. Mee nodeems dat Kreuzfahrtschëff ab 2008 onbenotzt war gouf dem deemolegen Ozeanriies een zweete majestätesche Liewe gewäert.

D'Schëff vun der britescher Reederei 'Cunard Line' haat 1969 seng éischt Faart vun sengem Heemeschthaafe Southampton bis op New York. Baal 35 Joer huet d'Schëff dës Transatlantik Linn zerwéiert, bis dëst Schëff vun der "Queen Mary 2" ofgeléist gouf. No 5 Joer als Kreuzfahrtschëff war dann awer endgülteg Schluss. D'Schëff gouf fir 100 Milliounen Dollar un Dubai verkaf. Baal 50 Joer aal, war den 18. Abrëll den Startschoss fir eng nei Ära vun der "Queen Elizabeth 2" an den Emiraten ginn. Etappeweis ass dat neit Hotel opgemaach ginn, bis am Oktober 2018 wou et awer vollstänneg fir seng Gäscht opgemaach ginn ass.

Fir d'Gestaltung vun der "Queen Elizabeth 2" huet sech d'Regierungsfirma 'PCFC Hotels' offenbar vill Méi ginn, méiglechst vill vum Original-Design béibehalen. D'Miwwelen, d'Biller, d'Bannenariichtung souwéi d'Original-Kabinnennummere sollen dozou bäidroen, dass den deemolege Luxus an Flair haut nach ze gesinn an ze  ass. Am Terminalgebéi fënnt een niewend der Receptioun och ee Musée iwwert d'Schëff. Eng Shopping-Meil, Spa an Wellness, Schwämm, Theater a Kinossäll si bal schon Standard. 13 Restaurante sollen gastronomesch Highlights zervéieren. Déi 224 Kabinnen a Suite kommen an 13 verschidden Kategorien, vun 17 bis 76 Quadratmeter. Mee d'Royal-Suiten dierfen wuel déi wéinegst live erliewen: Laut d'Internetsäit sinn dës Kummeren nëmme fir VIP's reservéiert. Den Ausbléck ass awer eenmooleg: Déi eng Säit op den Arabeschen Golf an déi aaner Säit op d'Skyline vun Dubai.

Weider Informatiounen: www.qe2.com

Bei Armani, Dior, Lacroix & Versace iwernuerchten - Dës 5 Hotellen sinn am Design nëtt ze toppen.

Dubai - Palazzo Versace
Eemol an engem italieneschen Palais mat Flair aus dem 16. Joerhonnert logéieren - mat Marmer ënnert den Féiss an üppeg Lüsteren iwwert dem Kapp. All eenzelt Miwwelstéck matt all d'Stoffer, déi di 215 Zëmmeren an Suiten vun dësem 5-Stären Hotel schmocken, sinn vum Haus Versace fir den Palazzo zu Dubai moosgeschneidert an exklusiv hiergestallt ginn. Preis: Ab 250 Euro/Nuecht.

New York - St. Regis Hotel
Deen vum Tiffany-Designchef John Loring entwerften Suite (160 Quadratmeter) befënnt sech um 14. Stack vum Luxushotel St. Regis. Se besteet aus engem Foyer, Schlofzëmmer, zwee Buedzëmmeren, een Iessraum an engem Wunnzëmmer mat Kamäin. Wonnerschéin sinn déi kleng Details wéi d'Spigelen an d'Fotellen souwéi Arrangementer aus Porzeläinsblumen - natierlech all aus dem Tiffany-Sortiment. Preis: Ab 9500 Euro/Nuecht (inkl. Butler Service an Fluchhafen-Transfer).

Cannes - Barrière Le Majestic
Op der Promenade de la Croisette geleeën, ass dësen 5-Stären Hotel een Highlight fir Fashionistas. D'Dior-Suite, inspiréiert vum Stammhaus zu Paräis, besteet aus reng Franséisch Eleganz. Biller an Fotoen erënneren un déi bekannten Outfits an hier glamouréis Träger wéi d'Fürstin Gracia Patricia. Preis: Op Unfro.

Mailand - Armani Hotel
Am Modequartier vun Mailand, an der Via Manzoni 31, befënnt sech dësen styleschen Edel-Hotel vum Giorgio Armani. Déi 95 Zëmmer an Suiten sinn ganz am Stil vum Star-Designer ageriicht - schlicht, luxuriéis an mat den feinsten Materialien. D'Miwwelen sinn vun Armani Casa an d'Buedzëmmer aus dem edelsten Marmer. Preis: Ab 530 Euro/Nuecht.

Paréis - Hôtel du Petit Moulin
Ëmmer erëm mat neien Perspektiven an séiss Detailer iwwerrascht dat komplett vum Christian Lacroix gestalten 4-Stären Hotel am Quartier Marais. Wéi un engem Poppenhaus, erënneren déi vum Star-Designer 17 individuell ageriichten Zëmmeren op puer Etagen, déi fir hien typesch kräfteg Faarwen an verspillten Musteren gehale sinn. Preis: Ab 220 Euro/Nuecht