Déi 28ten Foire Vakanz war erëm een risegen Erfolleg

Déi 28. Ausgab vun der Foire Vakanz ass gëschter op een Ënn gaangen an huet méi wéi 30.000 Visiteuren begeeschtert. Wärend den leschten 3 Deeg konnt een sech bei den 230 Aussteller informéieren an och seng Rees reservéieren. D'Thema dëst Joer op der Foire Vakanz war "Fitcation", also eng aktiv Vakanz, déi sportlech oder kulturell Aktivitéiten optimal mat Entspanung verbënnt. Dëst Thema war een groussen Succès an Deel vun der Offer vun ongeféier der Halschent vun den Aussteller. Och d'Sonn huet op der Foire mat deel geholl, souguer an den Halen! D'Pavillonen vun den Aussteller waren gutt besicht. Awer den séchersten Zeechen fir den Erfolleg vun dëser Editioun sinn déi zefridden Gesichter vun den Visiteuren: Se hunn flott Stonnen op der Foire verbruecht an waren frou bei den Animatiounen, der Gastronomie, den originellen Shows an den Gewënnspiller matzemaachen. Fir all Generatioun an fir all Geschmaach war dat passend dobäi. "No der grousser Erëffnungsféier virun 2 Deeg kann ech haut den Owend zefridden soen dass mir ons zuelräich Visiteuren souwuel mat dem Konzept vun der Foire, wéi och mat der grousser Offer vun den Reesspezialisten wonschlos glécklech maachen konnten", erkläert den Morgan Gromy, Geschäftsféierer vun Luxexpo The Box. D'Planung vun der Ausgab 2020 leeft schon op Héichtouren. "Mir denken elo schon iwwert den Motto no, un deem sech d'Foire nächst Joer orientéieren soll", verréit den Morgan Gromy eisem GlobeTrotter.lu Reesjournalist géigeniwwer. Fir déi nächst Ausgab mat villen neien Iwwerraschungen wäerten d'Visiteuren vum Freiden 17. Januar 2010 bis Sonnden 19. Januar an der Luxexpo The Box erwaart ginn.