Déi 4 spektakulärsten Saunalandschaften an Däitschland rausgesicht vun eiser Rees Journalistin Sonja Wilmes

Bei engem Saunagang dréint sech schon laang net méi alles nëmmen em d'schweessen. Niewend ganz traditionell Saunalandschaften ginn et der mëttlerweil och genuch spektakulär, déi fir een ganz besonnescht Wellness-Erliefnis suergen.

Handduch, waarm Steng, ronn 80 Grad waarm, Opgusseemer: Méi brauch et eigentlech net fir Entspanung an Ofhäertung an der Sauna. Mee sou schlicht loossen vill Thermen oder Hotellen hier Gäscht net schweessen. Se bidden spektakulär Aussiichten, kostüméiert Saunameeschter an Spezial Effekter. Hei déi 4 spektakulärts an Däitschland rausgesicht vun eiser Rees Journalistin Sonja Wilmes:

1. Saunatheater: "Badegärten Eibenstock" am Erzgebirge, Sachsen
An dëser Anlag schweesst den Client an enger Aart russesch-kareleschem Saunaduerf am Bëschrand. Am Wanter bitt déi méietaggen Bojarensauna deeglech 3 Showopgussen fir maximal 130 Gäscht. Déi klengsten vun den 12 Schweess-Stiert am Eibenstack ass eng japanesch Stengsauna fir 6 Persounen an engem rouegen,japaneschen Gaart. Iwwernuechten kënnen d'Gäscht an 6 Schärferween am Natuerdäich op dem 5000 Quadratmeter groussen Terrain oder am nogelëenen Reit- an Sporthotel.

2. Koi-Sauna an der "Thermen- und Badewelt" Sinsheim, Baden-Württemberg
Déi 166 Quadratmeter grouss Koi-Sauna am japaneschen Stil ass den Héichpunkt ënnert den 8 Themensaunaen an der Thermen- an Buedwelt an Sinsheim bei Stuttgart. Méi bekannt ass zwar d'Therme Erding bei München mat 30 Saunaen, mee nëmmen zu Sinsheim gesinn d'Gäscht an enger Säit vun der Sauna Fësch schwammen an kucken doriwwer eraus an d'Landschaft. Ofkillen kann een ënnert 400 Palmen, déi bei schlechtem Wierder duerch een Daach geschützt ginn. Eemol am Mount bitt eng Erliewnissnuecht Themenopgusser, Live-Musek an Shows.

3. Exotik: "Mediterana" zu Bergisch Gladbach, Nordrhein-Westfalen
Saunéieren an an eng aner Welt ooftauchen bitt d'Wellness-Welt Mediterana um Bensberger See zu Bergisch Gladbach. An der 18.000 Quadratmeter groussen Vakanzenanlaag am spuenesch-maureschen an indeschen Stil mat Thermalbad sinn all 15 Saunaen an Dampfbäder. Ett gett zum Beispill een perseschen Edelstengbad, een "Rajasthani-Haus" mat ayurvedeschen Uwendungen, eng Kerzensauna, een Himalaya-Schweessbad an een andaluseschen Schweessbad. Opgusser gin et bis Mëtternuecht. 6 Hotellen stinn zur Auswahl.

4. Mat Wëllengang an Séibléck: "Monte Mare" Séisauna um Tegernséi
Sanften Wëllengang beim schweessen an Bléck op den Séi an d'Bierger bitt d'Irmingard um Tegernséi. Um Heck vum 17 Meter laangen Schëff vun 1925 befënnt sech eng Schweesskabinn mat 10 Prozent Loftfiichtegkeet. Um Bug gëtt gerascht. Den Sprong an den Séi killt oof. Um Ufer befannen sech 4 weider Saunanen. An der Sënnessauna begleet Musik d'Ofhäerdung, an der Kelosauna den Oofgoss. Als gréisst schwammenden Sauna an Däitschland gëllt d'Séisauna an der Fontane Therme zu Neuruppin.