Spuenien: Duebelt Touristenstéier zu Mallorca

Séit dem 1. Mee 2018 ginn Reesen op Mallorca méi deier, den Gronn: D'Toursitenstéier huet sech verduebelt. Elo ginn an der Haaptsaison vun Mee bis Oktober zweschen 1 bis 4 Euro pro Nuecht an Persoun fälleg, ofhängeg vun der Ënnerkonnft.
An 4 respektiv 5 Stären Hoteller ginn 4 Euro pro Nuecht verrechent, wärend an einfach Hebergementer 1 Euro pro Client fälleg gëtt. An Fincas oder Vakanzenhaiser ginn 2 Euro pro Nuecht gefrot. Nei bäikomm ass d'Touristenstéier fir Croisièresschëffer. Do ginn 2 Euro pro Dag an Passagéier fälleg, an der Niewensaison 50 Cent. Wien méi laang op der Insel bléift, profitéiert vun engem Rabattsystem. Ab der 9ter Nuecht gëtt et eng Reduktioun vun 50 Prozent. Grondsätzlech gëllt: Kanner bis 15 Joer bezuelen keng Touristenstéier. Wichteg nach ze wëssen ass dass op dës Stéier nach TVA vun 10 Prozent bäikënnt.
Méi bëlleg gëtt et awer wann een an der Niewensaison zweschen November an Abrëll op Mallorca Vakanz mëscht. An dëser Zéit bléift d'Stéier beim alen Satz zweschen 0.25 an 1 Euro pro Nuecht.