Kanada: Ab 2019 kann een den Titanic-Wrack besichen

D'Firma "OceanGate" plangt fir den Summer 2019 Expeditiounen bei d'Titanic. Déi sougenannten "Titanic Survey Expeditions" sollen ab dem 26. Juni vun Néifundland an Kanada aus starten. Fir Deel vun dëser Expeditioun ze ginn, mussen d'Interesséierter folgend Viraussetzungen erfëllen: 18 Joer al sinn, een gültegen Reespass hunn, eng Woch um Expeditiouns-Schëff liewen kënnen, kleng Schlauchbooter op rauem Mier benotzen kënnen, gläichgewiicht an Flexibilitéit demonstréieren kënnen an et muss een den Training packen. Am ganzen daueren d'Expeditiounen 11 Deeg. Nierwend dem Dauchgang ginn an deenen Deeg och noutwendeg Trainingen absolvéiert, déi op d'Bedingungen iwwert an ënnert dem Waasser virbereeden. Den Dauchgang selwer dauert zweschen 6 an 8 Stonnen. Mat Mini-U-Booter tauchen een Pilot, 3 Spezialisten, een Titanic-Expert an een Gaascht erof bis bei d'Titanic déi ongeféier 3,8 Kilometer an der Déift léit. Dank verglaasten Wänn an puer Baussen-Kameraen sollen d'Passagéier wärend dem Dauchgang eng eemoleg Aussiicht op d'Titanic hunn. Privat Titanic-Taucher mussen fir Ticketen allerdéngs déif an d'Täsch gräifen. Den Präis pro Persoun bedréit 105.129 Dollar, ëmgerechent ongeféier 92.473 Euro. Klengen Funfakt dobäi: Genau souvill sollen och d'Éischtklasseg Ticketen fir Titanic am Joer 1912 kascht hunn.