Indonesien: Honnerten Doudeger no Äerdbiewen

2 schwéier Äerdbiewen hunn um Freiden virun der Küst vun Indonesien d'Äerd wackelen gelooss. Duerch d'Biewen an eng uschléissend ausgeléisten Flutwell sinn op der indonesescher Insel Sulawesi 384 Léit ëm d'Liewen komm. Ëm déi 500 Léit goufen verletzt oder sinn nach vermësst. Dëst huet een Spriecher vun der Katastrophen-Autoritéit um Samschden matgedeelt. Laut den wëssenschaftlechen US-Autoritéiten 'United States Geological Survey' (USGS) hat den heftegsten vun den béid Äerdbiewen eng Stäerkt vun 7,5 an den Epizentrum lung ongeféier 56 Kilometer nordëstlech vun Sulawesi an Indonesien. D'Biewen ass op enger Déift vun 10 Kilometer geschitt. D'Autoritéiten haten um Freiden als éischt direkt eng Tsunami-Warnung erausginn, wou den USGS och d'Philippinnen an Malaysien vun der Flutwell gewarnt hunn. Dës Tsunami-Warnung war kuerz drop erëm opgehuewen ginn, mee Medieberichten no, ass dunn awer eng meterhéich Wëll iwwert d'Küst vun Sulawesi agaangen. Ënnert anerem gouf den Fluchhafen vun der Insel gespaart. Wéinst der Laach op dem sougenannten Pazifeschen Féierrank passéieren an der Regioun ganz oft Äerdbiewen. Am Joer 2004 gouf et een besonneschen staarken Biewen vun der Stäerkt 9,3 virun Sumatra. Duerch deen ausgeléisten Tsunami koumen méi wéi 200.000 Léit ëm d'Liewen.