Holland: Haaptstad Amsterdam wëll keen Massentourismus méi

Genau wéi Barcelona, Venedeg an aner vum Massentourismus betraffen Metropolen wëll elo och Amsterdam géint den Flut vun den Touristen an déi zounehmend Kommerzialisatioun vun der Stad virgoen. GlobeTrotter.lu wéisst, wat geplangt ass.
An engem offiziellen Statement vun den 4 Parteien, déi sech an Koalitiounsverhandlungen zur Bildung vun der Lokalregierung vun Amsterdam befannen an GlobeTrotter.lu virleit, ginn folgend Moossnamen virgestallt, déi direkt no Regierungsuntrëtt an Kraaft trieden sollen:

• D'Tourismusstéier soll bis 2022 Schratt fir Schratt däitlech erhéicht ginn. Ab 2020 soll se eischtmools erhéicht ginn, fir 2019 geet se op 7 Prozent erop.
  
• Werbung soll am ëffentlechen Raum reduzéiert ginn. Dofir soll ënnert anerem d'Werbestéier erëm agefouert ginn.
• International Marken-Geschäfter an Geschäfter déi sech nëmmen un Touristen wenden an d'Stadbild mëttlerweil dominéieren, sollen och däitlech ageschränkt ginn. Dozou zielen och Glassen- an Souvenirsgeschäfter.
• Touristesch Transportmëttel um Waasser an um Land (Vëlotaxi, Segway, Béier-Vëloen, Päerdskutschen an Booter) sollen sou wéit wéi méiglech aus dem Stadbild verschwannen.
• Den Bau vun Hoteller soll och ageschränkt ginn. Hausbesëtzer däerfen hiert Haus, iwwert AirBnB zB, nëtt méi als 30 Deeg pro Joer un Touristen léinen. An bestëmmten Quartieren vun der Stad soll d'Verlounen unn Touristen eventuell grondsätzlech verbueden ginn.
• Kreuzfahrtschëffer sollen nëtt méi am direkten Stadgebitt unlëen kënnen. Dofir sollen alternativ Platzen ausserhalb vun Amsterdam ageriicht ginn.