Frankräich: Supertransporter Airbus "Beluga XL" fir déi éischten kéier geflunn

Säin Spëtznumm huet den Airbus A300-600ST well hien d'Form an d'Faarw vun engem wäissen Belugawal huet. Et sin am ganzen nëmmen 5 Stéck vum Supertransporter geplangt, déi am europäeschen Loftverkéier eng wichteg Roll spillen sollen. Elo ass deen éischten laachenden "Beluga XL" fir déi éischten kéier fortgeflunn.
Leschten Donneschden ass den neien Airbus "Beluga XL" virun ronn 10.000 Visiteuren um südfranséischen Fluchhafen Toulouse-Blagnac fir déi éischten kéier offiziell geflunn. 4 Stonnen an 12 Minutten méi spéit ass d'Maschinn erëm gelant. D'Léit wierken ganz kleng nierwend dem giganteschen Fliger, bei deem een, wann een hikuckt, eigentlech grinsen muss. Den Fliger brauch een risegen Rumpf, fir sengesgläichen ze transportéieren. Genau gesot: Fliger-Deeler vun aneren Airbus-Maschinne, déi innerhalb Europa vun engem Produktiounsuert zum aneren bruecht mussen ginn. Den Frachtgigant kann bis zu 53 Tonnen Fracht ophuelen. Den Rumpf vum Airbus Beluga huet een Duerchmiesser vun 7,40 Meter. Den gesamten Luedraum huet eng Längt vun bal 38 Meter. Den neien "Beluga" ass nachemool 6 Meter méi laang an 1 Meter méi breet wéi säin Virgänger. Domat kennen an Zukunft souguer Drooflächen vun engem A350 transportéiert ginn. Den laachenden 'Wal vun der Loft' soll iwwregens nëtt méi laang erläng bleiwen: Bis 2023 sollen nach weider 4 "Beluga XL"-Maschinne gebaut ginn.