Frankräich: Police zu Paräis warnt virun Kofferdéiwen an den Hotellen

D'Paräiser Police warnt Reesender elo virun engem besonnesch fiesen Trick vun Déiwbanden, déi an der Stad als 'Hotel-Raten' bezeechent ginn. Hiren Trick: Se mëschen sech an den Hotel-Lobby'en ënnert Touristengruppen an klauen dann d'Gepäck, wann keen kuckt.
Laut d'Zeitung "Le Parisien" wieren d'Déiwen besonnesch am sougenannten Gëllen Dräieck ënnerwee, d'Géigend ëm d'Prachtstrooss Champs-Elysées. Tony Mariet, Kommissär bei der Bandekriminalitéit vun der Police, seet der Zeitung: "D'Déiw schloen suwuel an Hotellen zu Paräis wéi och an den Viruertschaften wéi Courbevoie an Vincennes zou".
Weider seet hien: "Mir hunn et hei mat absoluten Profien ze dinn. Et ginn déi, déi sech ënner Gruppen mëschen an dann mam Gepäck verschwannen, an souguer déi, déi sech ënner falschem Numm an Hotelszëmmeren anchecken an dann an aner Zëmmeren gezielt no Hotel-Safen sichen". Et géif een awer ganz Enk mat den Hotelieren zesummeschaffen, wéi mat den Iwwerwaachungskameraen, fir d'Täter ze identifizéieren.Och d'Zesummenaarbecht mat der Police an aneren Länner wier denkbar, well et gehéiert och zu deenen Brigangen sech puer Méint an enger Stad opzehalen, fir dann an déi nächst Stad weider ze zéien. Wéi déi Britesch "Daily Mail" bericht, huet d'Police zu Paräis hier Polizisten ëm 5000 Beamten verstäerkt, fir d'Secherheet op den Stroossen an och an den Hotellen ze garantéieren.
Besonnesch Present sinn d'Beamten am Louvre, um Montmartre, den Champs-Elysées, an der Géigend vum Trocadéro an dem Eiffeltuerm souwéi an Quartiers Latin, Châtelet an dem Oper. Paräis preparéiert sech op een heftegen Touristenunstuerm vun den leschten Joren fir. 2017 hunn laut Statistiken méi wéi 14 Milliounen Léit d'Stad besicht.